Ana səhifə Kult |
"Burada baxdığım teatr tamaşalarında da maarifləndirmə məqsədi açıq-aydın hiss olunur".
Bu sözlər senarist Arzu Soltanın yaxınlarda tamaşaya qoyulan "Həyatla oyun" tamaşası və "Bakı Teatr festivalı – 2" ilə bağlı Axar.az-a açıqlamasında yer alıb:
"Hazırda mədəniyyət sahəsində çalışanlar üçün bir proqram çərçivəsində Praqadayam. Burada baxdığım teatr tamaşalarında da maarifləndirmə məqsədi açıq-aydın hiss olunur. "Bakı Uşaq Teatrı"nın repertuarındakı "Həyatla oyun" tamaşası da narkomaniya bəlası və onun vasitəsilə yayılan müxtəlif xəstəliklər, xüsusilə, QİÇS haqqında tamaşaçılarda təsəvvür yaratmağa xidmət edir – yəni məlumatsızlığın faciələrə səbəb olmasının qarşısını almağa. Tamaşa Azərbaycan Respublikası Gənclər və İdman Nazirliyinin sifarişi ilə hazırlanıb. Tamaşa Bakıda və regionlarda dəfələrlə oynanılıb. Tamaşaçılar hər dəfə zalı göz yaşları ilə tərk edirlər".
Qeyd edək ki, bundan başqa "Bizim teatr – 2" festivalı növbəti teatr bayramı olmaqla yanaşı, gəncləri teatra qaytarmaq məqsədi güdür.
Tarix
2015.03.12 / 17:20
|
Müəllif
Nigar An
|