Rusiyada Azərbaycan vətəndaşı polisi ayağa qaldırdı.

ANS press-in Rusiya mətbuatına istinadla verdiyi məlumata görə, hadisə Leninqrad vilayətində, Frunzenski rayonunda qeydə alınıb. Fevral ayının 15-də gecə saat 2 radələrində naməlum şəxs növbətçi hissəyə zəng edərək bomba xəbərdarlığı edib.

"Siz bilirsiniz ki, Frunsenski rayonunda bomba qoyulub? Budapeşskaya. Evin nömrəsini deməyəcəm. Beş dəqiqədən sonra ev havaya uçacaq".

Polis əməkdaşları zəng gələn evin ünvanını müəyyən ediblər. Axtarış nəticəsində heç bir partlayıcı tapılmayıb. Qısa zamanda zəng vuranın kimliyi də müəyyən edilib.

Bu 54 yaşlı Azərbaycan vətəndaşı olub. O heç yerdə işləməyib və Naziya kəndindəki balıq sexində terror törədəcəyini deyib.

Adı açıqlanmayan şəxs Admiralteyski rayonunda saxlanılıb. Xuliqanlıqda ittiham edilən şəxsə qarşı cinayət işi açılıb.