Rusiyanın "Layfnyus.ru" saytının 2 əməkdaşının Ukrayna xüsusi xidmət orqanları tərəfindən həbs olunması böyük qalmaqala səbəb olub.

"Axar.az" xəbər verir ki, mayın ortalarında Ukraynanın şərqindəki Kramatorsk şəhərində separatçılarla hökumət qoşunları arasında baş verən döyüşlər zamanı saxlanılan hər iki rus jurnalist - Oleq Sidaykin və Marat Sayçenkonun üzərlərində daşına bilən zenit-raket kompleksi aşkarlanıb.

Bundan başqa, separatçı "Donetsk Xalq Respublikası"nın press-kartları da Sidaykin və Sayçenkodan götürülüb.
ABŞ Dövlət Departamentinin nümayəndəsi Cen Psaki isə məsələyə münasibət bildirən zaman "jurnalistlərin peşə mənsubiyyətinin müəyyən olunmasının" vacib olduğunu vurğulayıb. Psaki əlavə edib ki, Ukrayna xüsusi xidmət orqanlarının məlumatına görə, rus jurnalistləri separatçılar üçün kəşfiyyat məlumatlarının toplanması ilə məşğul olublar.

Artıq Rusiyada jurnalistlərtin azad olunması ilə bağlı geniş kampaniya başlanıb.